តអ្នកនិពន្ធ

មើលទាំងអស់

អត្ថបទដោយ Xochitl Dixon

រង់ចំាដោយសង្ឃឹម

លោក​រ៉ូជេលីយ៉ូ(Rogelio) បាន​ធ្វើ​ការ ជា​អ្នក​រត់​តុ ក្នុង​អំឡុង​ពេល​ដែល​ខ្ញុំ​សម្រាក​លំហែ​កាយ​ជា​មួយ​ក្រុម​គ្រួសារ​ខ្ញុំ អស់​រយៈ​ពេល​ពេញ​មួយ​អាទិត្យ។ ពេល​ដែល​យើង​បាន​សន្ទនា​ជា​មួយ​គាត់​ គាត់​បាន​អរ​ព្រះ​គុណ​ព្រះ​យេស៊ូវ ដែល​បាន​ប្រទាន​ពរ​ឲ្យ​គាត់​មាន​អ្នក​ស្រី​ឃែលី(Kaly) ធ្វើ​ជា​ប្រពន្ធ​ដែល​មាន​ចិត្ត​ឆេះ​ឆួល និង​មាន​ជំនឿ​រឹង​មាំ។ បន្ទាប់​ពី​ពួក​គេ​មាន​កូន​ដំបូង ​ព្រះ​ទ្រង់​ក៏​បាន​ប្រទាន​ឲ្យ​ពួក​គេ​មាន​ឱកាស​ថែរក្សា​ក្មួយ​ស្រី​របស់​ពួក​គេ ដែល​មាន​ជំងឺ​ពិការ​ខួរ​ក្បាល។

មិន​យូរ​ប៉ុន្មាន ម្តាយ​ក្មេក​របស់​លោក​រ៉ូជេលីយ៉ូក៏​ត្រូវ​ការ​អ្នក​ថែ​ទាំ ក្នុង​ពេល​គាត់​ចាស់​ជរា។

លោក​រ៉ូជេលីយ៉ូ​ក៏​បាន​ធ្វើ​ការ​ដោយ​ក្តី​អំណរ ដោយ​ជា​ញឹក​ញាប់ គាត់​បាន​ធ្វើ​ការ​នៅ​ពេល​យប់​បន្ថែម ដើម្បី​ឲ្យ​ភរិយា​គាត់ អាច​នៅ​ផ្ទះ​ថែទាំ​មនុស្ស​ដែល​ព្រះ​ទ្រង់​បាន​ប្រទាន​មក។ ខ្ញុំ​ក៏​បាន​ចែក​ចាយ អំពី​ការ​​ដែល​ប្តី​ប្រពន្ធ​មួយ​គូរ​នេះ បាន​បណ្តាល​ចិត្ត​ខ្ញុំ​ឲ្យ​មាន​ក្តី​ស្រឡាញ់​កាន់​តែ​ខ្លាំង ដោយ​ពួក​គេ​បាន​បើក​ចំហ​ចិត្ត និង​ផ្ទះ ដើម្បី​បម្រើ​សមាជិក​គ្រួសារ​របស់​ពួក​គេ ហើយ​ពេល​នោះ គាត់​ក៏​បាន​និយាយ​ថា គាត់​មាន​អំណរ ក្នុង​ការ​បម្រើ​ពួក​គេ និង​ក្រុម​គ្រួសារ​ខ្ញុំ។​

ការ​រស់​នៅ​របស់​លោក រ៉ូជែលីយ៉ូ​បាន​បញ្ជាក់ អំពី​អំណាច​នៃ​ការ​រស់​នៅ ដោយ​ចិត្ត​សប្បុរស និង​ទុក​ចិត្ត​លើ​ការ​ផ្គត់​ផ្គង់​របស់​ព្រះ ខណៈ​ពេល​ដែល​យើង​បម្រើ​គ្នា​ទៅ​វិញ​ទៅ​មក ដោយ​មិន​គិត​ប្រយោជន៍​ផ្ទាល់​ខ្លួន។ សាវ័ក​ប៉ុល​បាន​ជំរុញ​រាស្រ្ត​របស់​ព្រះ ឲ្យ ប្តូរ​ផ្តាច់​ចំពោះ​គ្នា … ឲ្យ​អរ​សប្បាយ ដោយ​មាន​សង្ឃឹម ​អត់​ធន់​ក្នុង​សេចក្តី​ទុក្ខ​លំបាក ​ឲ្យ​ខ្ជាប់ខ្ជួន​ក្នុង​សេចក្តី​អធិស្ឋាន ហើយ​ផ្គត់​ផ្គង់​អ្នក​ដែល​ខ្វះ​ខាត ទាំង​ខំ​ប្រឹង​ឲ្យ​មាន​សេចក្តី​ចៅរ៉ៅ​(រ៉ូម ១២:១០-១៣)។

ជីវិត​យើង​អាច​ផ្លាស់​ប្តូរ​ភ្លាម​ៗ ធ្វើ​ឲ្យ​យើង ឬ​អ្នក​ដែល​យើង​ស្រឡាញ់​ជាប់​នៅ​ក្នុង​កាលៈទេសៈ ដែល​ហាក់​ដូច​ជា​មិន​អាច​ស៊ូ​ទ្រាំ​បាន។ ប៉ុន្តែ ពេល​ណា​យើង​ស្ម័គ្រ​ចិត្ត​ចែក​រំលែក​អ្វី​ដែល​ព្រះ​បាន​ប្រទាន​យើង ខណៈ​ពេល​ដែល​យើង​កំពុង​រង់​ចាំ​ព្រះ​អង្គ នោះ​យើង​អាច​តោង​ឲ្យ​ជាប់​សេចក្តី​ស្រឡាញ់​ដ៏​ស្ថិត​ស្ថេរ​របស់​ព្រះ​អង្គ ទាំង​អស់​គ្នា។—Xochitl Dixon

អ្នកធ្វើទាន យ៉ាងអាថ៌កំបាំង

សម្រាប់​លោក​គ្រីស្តូហ្វ័រ(Christopher)​ ដែល​ជា​អតីត​យុទ្ធ​ជន​ពិការ សកម្មភាព​ប្រចាំ​ថ្ងៃ​កាន់​តែ​មាន​ការ​ពិបាក និង​ចំណាយពេល​កាន់​តែ​យូរ ហើយ​ធ្វើ​ឲ្យ​គាត់​មាន​ការ​ឈឺ​ចាប់​កាន់​តែ​ខ្លាំង។ ប៉ុន្តែ គាត់​នៅ​តែ​ប្រឹង​ប្រែង​អស់​ពី​សមត្ថ​ភាព ដើម្បី​បម្រើ​ភរិយា និង​កូន​របស់​គាត់។ អ្នក​ធ្វើ​ដំណើរ​កាត់​មុខ​ផ្ទះ​គាត់ តែង​តែ​ឃើញ​គាត់​រុញ​ម៉ាស៊ីន​កាត់​ស្មៅ ក្នុង​ទីធ្លា​មុខ​ផ្ទះ​គាត់​ រៀង​រាល់​សប្តាហ៍។​

ថ្ងៃ​មួយ លោក​គ្រីស្តូហ្វឺ​បាន​ទទួល​សំបុត្រ​មួយ​ច្បាប់ និង​ម៉ាស៊ីន​កាត់​ស្មៅ​ដែល​មាន​តម្លៃ​ថ្លៃ​មួយ​គ្រឿង ពី​ម្ចាស់​ជំនួយ​ដែល​មិនបាន​បញ្ចេញ​ឈ្មោះ។  ម្ចាស់​ជំនួយ​នេះ​មាន​ការ​ពេញ​ចិត្ត​នៅ​ក្នុង​ការ​ឲ្យ ដោយសារ​នេះ​ជា​ឯក​សិទ្ធិ នៅ​ក្នុង​ការ​ជួយ​អ្នក​ដែល​ខ្វះខាត។

ព្រះ​យេស៊ូវ​មិន​បាន​មាន​បន្ទូល​ថា យើង​ត្រូវ​តែ​ធ្វើ​ទាន​ដល់​អ្នក​ដទៃ ដោយ​អាថ៌​កំបាំង​គ្រប់ពេល​នោះ​ទេ ​តែ​ព្រះ​អង្គ​សព្វ​ព្រះ​ទ័យ​ឲ្យ​យើង​ពិនិត្យ​មើល​គោល​បំណង ដែល​យើង​ធ្វើ​ទាន​ដល់​គេ(ម៉ាថាយ ៦:១)។ ព្រះអង្គ​ក៏​មាន​បន្ទូល​ផង​ដែរ​ថា “កាល​ណា​អ្នក​ធ្វើ​ទាន នោះ​កុំ​ឲ្យ​ផ្លុំ​ត្រែ​នៅ​មុខ​អ្នក ដូច​ពួក​មាន​ពុត ដែល​ប្រព្រឹត្ត​នៅ​ក្នុង​សាលា​ប្រជុំ ហើយ​តាម​ផ្លូវ ដើម្បី​ឲ្យ​បាន​មនុស្ស​លោក​សរសើរ​ខ្លួន​នោះ​ឡើយ ខ្ញុំ​ប្រាប់​អ្នក​រាល់​គ្នា​ជា​ប្រាកដ​ថា គេ​បាន​រង្វាន់​គេ​ហើយ”(ខ.២)។ ពេល​ដែល​ព្រះ​ទ្រង់​រំពឹង​ឲ្យ​យើង ធ្វើ​ជា​អ្នក​ឲ្យ ដែល​ចិត្ត​ស្មោះ​ ព្រះ​អង្គ​ក៏​បាន​លើក​ទឹក​ចិត្ត​យើង ឲ្យ​ជៀស​វាង​ការ​ធ្វើ​ការ​ល្អ នៅ​ចំពោះ​មុខ​គេ ដើម្បី​ទទួលការ​សរសើរ ឬ​ទទួល​ស្គាល់​ពី​អ្នក​ដទៃ(ខ.៣)។​

ពេល​ដែល​យើង​ដឹង​ថា អ្វី​ៗ​ដែល​យើង​មាន​សុទ្ធ​តែ​មក​ពី​ព្រះ នោះ​យើង​អាច​ធ្វើ​ជា​អ្នក​ឲ្យ​ដោយ​សម្ងាត់ ដោយ​មិន​សរសើរ​ខ្លួនឯង ឬ​ស្វែង​រក​ការ​សរសើរ​ពី​អ្នក​ដទៃ។ ព្រះ​ដែល​ជ្រាប​គ្រប់​អ្វី​ៗ​ទាំង​អស់​ ជា​ព្រះ​ដែល​ប្រទាន​ការ​ល្អ​គ្រប់​យ៉ាង។ ព្រះ​អង្គ​សព្វ​ព្រះទ័យ​នឹង​ប្រទាន​អ្វីៗ មក​រាស្ត្រ​ព្រះ​អង្គ ដោយ​ព្រះ​ទ័យ​សប្បុរស។—Xochitl Dixon

ការផ្លាស់ប្តូរជាថ្មី ក្នុងការមើលឃើញ

បន្ទាប់​ពី​ភ្នែក​ខាង​ឆ្វេង​របស់​ខ្ញុំ បាន​ទទួល​ការ​វះ​កាត់​ដ៏​ឈឺ​ចាប់ វេជ្ជ​បណ្ឌិត​ក៏​បាន​ណែ​នាំ​ខ្ញុំ ឲ្យ​ធ្វើ​តេស្ត​ភ្នែក ដើម្បី​ឲ្យ​ដឹង​ថា​ ខ្ញុំមើល​ច្បាស់​ប៉ុណ្ណា។  ខ្ញុំ​ក៏​បាន​បិទ​ភ្នែក​ស្តាំ​ដោយ​ទំនុក​ចិត្ត ហើយ​ក៏​បាន​ចង្អុល​ទៅ​បន្ទាត់​នីមួយ​ៗ​ នៅ​លើ​តារាង យ៉ាង​ងាយ​ស្រួល​ តាម​បង្គាប់​របស់​គ្រូ​ពេទ្យ។ ខ្ញុំ​ក៏​បាន​បិទ​ភ្នែក​ឆ្វេង​ទៀត ហើយ​ក៏​បាន​ដក​ដង្ហើម​ដង្ហក់ ព្រោះ​ពេល​ដែល​បិទ​ភ្នែក​ទាំង​សង្ខាង​ដូច​នេះ ខ្ញុំ​ប្រៀប​ដូច​ជា​មនុស្ស​ខ្វាក់​អញ្ចឹង។

ខណៈ​ពេល​ដែល​ខ្ញុំ​សម្រប​ខ្លួន​នឹង​វែន​តា​ថ្មី និង​ការ​មើល​ឃើញ​ជា​ថ្មី​ឡើង​វិញ ខ្ញុំ​ក៏​បាន​គិត​ដល់ ទុក្ខ​លំបាក​ប្រចាំ​ថ្ងៃ ដែល​ច្រើនតែ​ធ្វើ​ឲ្យ​ខ្ញុំ​មាន​ភ្នែក​មីញ៉ូប​ខាង​វិញ្ញាណ។ បាន​សេចក្តី​ថា ពេល​ណា​ខ្ញុំ​ផ្ដោត​ទៅ​លើ​អ្វី​ដែល​ខ្ញុំ​អាច​មើល​ឃើញ នៅ​ជិត​ខ្លួន​ខ្ញុំ ដែល​មាន​ដូច​ជា​ការ​ឈឺ​ចាប់ និង​ស្ថាន​ភាព​ដែល​ផ្លាស់​ប្តូរ​ឥត​ឈប់ នោះ​ខ្ញុំ​ក៏​បាន​ប្រែ​ជា​ខ្វាក់ មើល​ឃើញ​មិន​ឃើញ​ ភាព​ស្មោះត្រង់​នៃ​ព្រះ​ដ៏​អស់​កល្ប និង​មិន​ចេះ​ប្រែ​ប្រួល។ ដោយសារ​ខ្ញុំ​មិន​បាន​មើល​វែង​ឆ្ងាយ នោះ​ក្តី​សង្ឃឹម​ហាក់​ដូច​ជា​នៅ​ឆ្ងាយ​ ក្នុង​សភាព​ព្រាល​ៗ។

បទ​គម្ពីរ​សាំយ៉ូអែល​ទី​១ បាន​ប្រាប់​យើង អំពី​រឿង​របស់​ស្រ្តី​ម្នាក់​ទៀត ដែល​មិន​បាន​គិត​ដល់​ភាព​ស្មោះ​ត្រង់​របស់​ព្រះ ខណៈ​ពេល​ដែល​នាង​កំពុង​តែ​ផ្តោត​ទៅ​លើ​ការ​ឈឺ​ចាប់ ភាព​មិន​ច្បាស់​លាស់ និង​ការ​បាត់​បង់​ក្នុង​ពេល​បច្ចុប្បន្ន។ នាង​ហាណា​បាន​ស៊ូទ្រាំ​នឹង​ភាព​ជា​ស្រី​អារ អស់​ជា​ច្រើន​ឆ្នាំ​មក​ហើយ ហើយក៏​ទទួល​រង​ការ​ធ្វើ​ទុក​បុក​ម្នេញ​ឥត​ឈប់​ឈរ ពី​នាង​ពេនីណា ​ដែលជា​ភរិយា​ម្នាក់​ទៀត មួយ​លោក​អែលកាណា។ ស្វាមី​របស់​នាង​ហាណា​បាន​ស្រឡាញ់ និង​ឲ្យ​តម្លៃ​នាង តែ​នាង​នៅ​តែ​មិន​ស្កប់​ចិត្ត។ ថ្ងៃ​មួយ នាង​ក៏​បាន​អធិស្ឋាន​សូម​ចិត្ត​ស្មោះ​ត្រង់។ ពេល​ដែល​លោក​អេលី ដែល​ជា​សង្ឃ​របស់​ព្រះ​ចោទ​សួរ​នាង នាង​ក៏បាន​ពន្យល់​ប្រាប់​គាត់ អំពី​ស្ថាន​ភាព​របស់​នាង។ ពេល​ដែល​នាង​ចាក​ចេញ​ទៅ គាត់​ក៏​បាន​អធិស្ឋាន​សូម​ព្រះ​ទ្រង់​ឆ្លើយ​តប ចំពោះ​សេចក្តី​សំណួរ​របស់​នាង​(១សាំយ៉ូអែល ១:១៧)។ ទោះ​ស្ថាន​ភាព​របស់​នាង​ហាណា​មិន​បាន​ផ្លាស់​ប្តូរ​ភ្លាម​ៗ​ក៏​ដោយ ក៏​នាង​នៅ​តែ​ដើរ​ចេញ​ទៅ…

ធ្វើការរួមគ្នា

លោក​ចូ(Joe) បាន​ធ្វើ​ការ​ក្នុង​មួយ​ថ្ងៃ លើស​១២​ម៉ោង ហើយ​ជា​ញឹក​ញាប់ គាត់​មិន​មាន​ថ្ងៃ​ឈប់​សម្រាក​ទេ។ ការ​ងារ​មនុស្សធម៌​របស់​គាត់ បាន​ទាម​ទារ​ពេល​វេលា និង​កម្លាំង​ជា​ច្រើន ពី​គាត់ ជា​ហេតុ​ធ្វើ​ឲ្យ​គាត់ មិន​សូវ​មាន​ពេល​ និង​កម្លាំង ដើម្បី​នៅ​ក្បែរប្រពន្ធ​កូន​របស់​គាត់ ពេល​គាត់​នៅ​ផ្ទះ។ បន្ទាប់​ពី​ជម្ងឺ​ស្ត្រេស​ដ៏​រាំរ៉ៃ​បាន​បណ្តាល​ឲ្យ​គាត់​ចូល​ពេទ្យ មិត្ត​ភក្តិ​របស់​គាត់​ម្នាក់​បានរៀប​ចំ​មនុស្ស​មួយ​ក្រុម ឲ្យ​ជួយ​គាត់។ គាត់​មាន​ការ​ភ័យ​ខ្លាច នៅ​ក្នុង​ការ​ប្រគល់​ការ​គ្រប់​គ្រង​មុខ​ជំនួញ​ឲ្យ​ទៅ​អ្នក​ដទៃ តែ​គាត់ក៏​ដឹង​ផង​ដែរ​ថា គាត់​មិន​អាច​ធ្វើ​ការ​ដូច​មុន​បាន​ទេ។ គាត់​ក៏​បាន​ព្រម​ទុក​ចិត្ត​ព្រះ និង​មិត្ត​ភក្តិ​គាត់​ ខណៈ​ពេល​ដែល​គាត់ ប្រគល់​ការ​ទទួល​ខុស​ត្រូវ ឲ្យ​ទៅ​មនុស្ស​មួយ​ក្រុម ដែល​ពួក​គេ​បាន​ជ្រើស​រើស​ជា​មួយ​គ្នា។ មួយ​ឆ្នាំ​ក្រោយ​មក លោក​ចូ ក៏​បាន​ទទួល​ស្គាល់​ថា ការងារ​មនុស្ស​ធម៌ និង​ក្រុម​គ្រួសារ​របស់​គាត់ មិន​អាច​មាន​ការ​រីក​ចម្រើន​បាន​ឡើយ បើ​សិន​ជា​គាត់​មិន​ព្រម​ទទួល​ជំនួយ​ដែល​ព្រះ​ទ្រង់​បាន​ប្រទាន​ទេនោះ។

ព្រះ​ទ្រង់​មិន​បាន​រៀប​ចំ​មនុស្ស សម្រាប់​ឲ្យ​លូត​លាស់ ដោយ​គ្មាន​ជំនួយ​ពី​សហគមន៍​ដែល​មាន​ក្តី​ស្រឡាញ់​នោះ​ឡើយ។ ក្នុងបទ​គម្ពីរ និក្ខមនំ ១៨ លោក​ម៉ូសេ​បាន​ដឹក​នំា ពួក​អ៊ីស្រាអែល​កាត់​វាល​រហោ​ស្ថាន។ គាត់​បាន​ព្យាយាម​បម្រើ​រាស្រ្ត​របស់​ព្រះ ក្នុង​នាម​ជា​គ្រូ​បង្រៀន អ្នក​ប្រឹក្សា​យោបល់ និង​ចៅ​ក្រម​តែ​ម្នាក់​ឯង។ ពេល​ដែល​ឪពុក​ក្មេក​គាត់​មក​លេង​គាត់ ក៏​បាន​ឲ្យ​យោបល​គាត់ថា “ឯង​នឹង​ថយ​កំឡាំង​ទៅ ព្រម​ទាំង​កំឡាំង​នៃ​បណ្តាជន​ដែល​នៅ​ជា​មួយ​នឹង​ឯង​ផង ពី​ព្រោះ​ការ​នេះ​ហួស​កំឡាំង​ឯង​ហើយ នឹង​ធ្វើ​តែ​ម្នាក់​ឯង​មិន​បាន​ទេ”(និក្ខមនំ ១៨:១៨)។ គាត់​ក៏​បាន​លើក​ទឹក​ចិត្ត​លោក​ម៉ូសេ ឲ្យ​ចែក​រំលែក​បន្ទុក​ការងារដល់​អ្នក​ដទៃ​ទៀត ដែល​ស្មោះ​ត្រង់។ លោក​ម៉ូសេ​ក៏​បាន​ទទួល​ជំនួយ​ពី​គេ ហើយ​ការ​នេះ​មាន​ប្រយោជន៍​យ៉ាង​ខ្លាំង ចំពោះ​សហគមន៍។​

ពេល​ដែល​យើង​ទុក​ចិត្ត​ថា…

ជិះនៅលើទឹករលក

ខណៈ​ពេល​ដែល​ស្វាមី​ខ្ញុំ​កំពុង​តែ​ដើរ​ចុះ​តាម​ឆ្នេរ​ដែល​មាន​ថ្ម​ច្រើន ដើម្បី​ថត​រូប​ទេស​ភាព នៅ​រដ្ឋ​ហាវ៉ៃ ខ្ញុំ​ក៏​បាន​អង្គុយ​នៅ​លើ​ថ្មធំ​មួយ​ផ្ទាំង ដោយ​ជញ្ជឹង​គិត អំពី​បញ្ហា​សុខ​ភាព​មួយ​ទៀត។ បញ្ហា​នេះ​ត្រូវ​រង់​ចាំ​ឲ្យ​ខ្ញុំ​ដោះ​ស្រាយ​វា នៅ​ពេល​ខ្ញុំ​ត្រឡប់​ទៅ​ផ្ទះវិញ ព្រោះ​ខ្ញុំ​កំពុង​តែ​ត្រូវ​ការ​សន្តិ​ភាព នៅ​ពេល​នោះ។ ខ្ញុំក៏​បាន​សម្លឹង​មើល​ទឹក​រលក ដែល​កំពុង​តែ​បក់​បោក​មក​លើ​ផ្ទាំង​ថ្មពណ៌​ខ្មៅ។ ខ្ញុំ​ក៏​បាន​ប្រទះ​ឃើញ​ស្រមោល​ខ្មៅ​ៗ នៅ​ក្នុង​រលក​នោះ។ ខ្ញុំ​ក៏​បាន​ពង្រីក​មើល​រូប​ភាព​នោះ នៅ​ក្នុង​កាំមីរ៉ា​របស់​ខ្ញុំ ហើយ​ក៏​បាន​ដឹង​ថា តាម​ពិត វា​ជា​សត្វ​អណ្តើក​សមុទ្រ ដែល​កំពុង​តែ​ជិះ​ទឹក​រលក យ៉ាង​សុខ​សាន្ត។ ជើង​វា​បាន​លាត​សន្ធឹង នៅស្ងៀម បណ្តែត​ខ្លួន​ទៅ​តាម​ទឹក។ ទិដ្ឋ​ភាព​មាត់​សមុទ្រ​ថ្ងៃ​នោះ ក៏​បាន​នាំ​មក​នូវ​ស្នាម​ញញឹម នៅ​លើ​ផ្ទៃ​មុខ​ខ្ញុំ។

“ផ្ទៃ​មេឃ​នឹង​សរសើរ​ការ​អស្ចារ្យ​របស់​ព្រះអម្ចាស់”(ទំនុកដំកើង ៨៩:៥)។ ព្រះ​នៃ​យើង ដែល​គ្មាន​អ្វី​អាច​ប្រៀប​ផ្ទឹម​បាន ទ្រង់​បង្ក្រាប​ការ​លើក​កម្ពស់​នៃ​សមុទ្រ កាល​ណា​រលក​កំរើក​ឡើង នោះ​ទ្រង់​បន្ទ្រោម​ចុះ ឲ្យ​ស្ងប់​វិញ(ខ.៩)។ “ឯ​លោកីយ៍ និង​សព្វ​សារពើ ដែល​នៅ​ក្នុង​លោកីយ៍ នោះ​គឺ​ទ្រង់​បាន​សង់​ឡើង​ដែរ”(ខ.១១)។ ព្រះ​អង្គ​បង្កើត​របស់​សព្វ​សារ​ពើ ព្រះ​អង្គ​ជា​ម្ចាស់​លើអ្វី​ៗ​ទាំង​អស់ គ្រប់​គ្រង​លើ​ទាំង​អស់ ហើយ​គោល​បំណង​របស់​ព្រះ​អង្គ គឺ​ដើម្បី​សិរីល្អ​របស់​ព្រះ​អង្គ និង​ដើម្បី​ឲ្យ​យើង​បាន​អរសប្បាយ​នឹង​ព្រះ​អង្គ។

ចូរ​យើង​ឈរ​នៅ​លើ​គ្រឹះ​នៃ​សេចក្តី​ជំនឿ​របស់​យើង ដែល​ជា​សេចក្តី​ស្រឡាញ់​របស់​ព្រះ​វរបិតា ដែល​មិន​ចេះ​ប្រែ​ប្រួល ដើម្បី​ឲ្យ​យើង​អាច “ដើរ​ក្នុង​ពន្លឺ​នៃ​ព្រះ​វត្ត​មាន​ព្រះ​អង្គ”(ខ.១៥)។ ព្រះ​អង្គ​នៅ​តែ​ពេញ​ដោយ​អំណាច​ចេស្តា និង​ពេញ​ដោយ​ក្តី​មេត្តា ក្នុង​ការ​ដោះ​ស្រាយ​បញ្ហា​ជា​មួយ​យើង។ យើង​អាច​អរ​សប្បាយ​ក្នុង​ព្រះ​នាម​ព្រះ​អង្គ ពេញ​មួយ​ថ្ងៃ​(ខ.១៦)។ ទោះ​យើង​ជួប​ឧប​ស័គ្គ​អ្វី​ក៏​ដោយ ឬ​មាន​ភាព​អន់​ថយ​ច្រើន​យ៉ាង​ណា​ក្តី យើង​ត្រូវ​តែ​ស៊ូ​ទ្រាំ។ ព្រះ​អង្គ​ឱប​យើង​ជាប់ ពេល​ដែល​ទឹក​រលក​បក់​ចុះ​ឡើង​ៗ​។—Xochitl…

កន្សែងបង់កពណ៌ស្វាយ

ខណៈ​ពេល​ដែល​ខ្ញុំ​កំពុង​មើល​ថែ​ជំងឺ​ម្តាយ​របស់​ខ្ញុំ នៅ​មជ្ឈ​មណ្ឌល​ជំងឺ​មហា​រីក ដែល​ស្ថិត​នៅ​ចម្ងាយ​រាប់​រយ​គីឡូម៉ែត្រ ពី​ផ្ទះ​ខ្ញុំ ខ្ញុំ​បាន​សុំឲ្យ​គេ​អធិស្ឋាន​ឲ្យ​ពួក​យើង។ ប៉ុន្មាន​ខែ​ក្រោយ​មក ភាព​ឯកោ និង​ការ​នៅ​ដាច់​ឆ្ងាយ​ពី​គេ បាន​ធ្វើ​ឲ្យ​ខ្ញុំ​អន់​ថយ​កម្លាំង​ជាលំដាប់។ តើ​ធ្វើ​ដូចម្តេច​ឲ្យ​ខ្ញុំ​អាច​មើល​ថែ​ម្តាយ​ខ្ញុំ​បាន បើ​ខ្ញុំ​ចុះចា​ញ់​នឹង​ភាព​ខ្សោះ​អស់​កម្លាំង​ផ្នែក​រូប​កាយ ផ្លូវ​ចិត្ត និង​អារម្មណ៍?

ថ្ងៃ​មួយ មិត្ត​ភក្តិ​របស់​ខ្ញុំ​ម្នាក់ ឈ្មោះយ៉ូឌី(Jodi) បាន​ផ្ញើ​រអំណោយ​ដែល​ខ្ញុំ​មិន​នឹក​ស្មាន​ដល់ ដើម្បី​បង្ហាញ​ការ​យក​ចិត្ត​ទុក​ដាក់។យ៉ូឌី​បាន​ចាក់​កន្សែង​បង់​កពណ៌​ស្វាយ​មួយ ឲ្យ​ខ្ញុំ ដើម្បី​រំឭក​ខ្ញុំ​ថា មាន​មនុស្សជា​ច្រើន​កំពុង​អធិស្ឋាន​ឲ្យ​ខ្ញុំ។ ពេល​ណា ខ្ញុំ​យកកន្សែង​នោះ​មក​បង់​ក​ ខ្ញុំ​មាន​អារម្មណ៍​ថា ព្រះ​ទ្រង់​កំពុង​តែ​ឱប​ខ្ញុំ តាម​រយៈ​ការ​អធិស្ឋាន​របស់​រាស្រ្ត​របស់​ព្រះ​អង្គ។ ប៉ុន្មាន​ឆ្នាំ​ក្រោយ​មក ព្រះ​អង្គ​នៅ​តែ​បន្ត​ប្រើ​កន្សែង​បង់​កពណ៌​ស្វាយ​នោះ ដើម្បី​កម្សាន​ចិត្ត​ខ្ញុំ និង​ជួយ​ឲ្យ​ខ្ញុំ​មាន​ការ​ប្តេជ្ញា​ចិត្ត​កាន់​តែ​រឹងមាំ​។

សាវ័ក​ប៉ុល​បាន​និយាយ​បញ្ជាក់ អំពី​សារៈ​សំខាន់​នៃ​អំណាច​​ការ​អធិស្ឋាន​ឲ្យ​អ្នក​ដទៃ ដែល​នាំ​ឲ្យ​វិញ្ញាណ​មាន​ភាព​ស្រស់​ថ្លាឡើង​។ តាម​រយៈ​ការ​ស្នើ​សុំ​ដ៏​ឆេះ​ឆួល​នូវ​ការ​គាំទ្រ និង​លើក​ទឹក​ចិត្ត ដោយ​ការ​អធិស្ឋាន​ពី​អ្នក​ដទៃ ក្នុង​អំឡុង​ពេល​នៃ​ដំណើរបេសកកម្ម​របស់​គាត់ គាត់​ក៏​បាន​ពិពណ៌នា​ថា​ គ្រីស្ទ​បរិស័ទ​ដែល​អធិស្ឋាន​ឲ្យ​អ្នក​ដទៃ គឺ​ជា​ដៃ​គូរ​ក្នុង​ការងារ​បម្រើ​ព្រះ​(រ៉ូម ១៥:៣០)។ គាត់​បាន​សំណូម​ពរ​អធិស្ឋាន អំពី​រឿង​ដ៏​ជាក់​លាក់ ហើយ​ក៏​បាន​បង្ហាញ​ថា គាត់​មាន​ការ​ពឹង​ផ្អែក​ទៅ​លើ​ជំនួយ​របស់​បង​ប្អូន​រួម​ជំនឿ ហើយ​ក៏​បាន​ទុក​ចិត្ត​ថា ព្រះ​ទ្រង់​ឆ្លើយ​តប​ការ​អធិស្ឋាន​របស់​គាត់ ដោយ​អំណាច​ចេស្តា​ទ្រង់​(ខ.៣១-៣៣)។

យើង​រាល់​គ្នា​សុទ្ធ​តែ​បាន​ឆ្លង​កាត់​ពេល​ដ៏​ឯកោ។ ប៉ុន្តែ សាវ័ក​ប៉ុល​បាន​បង្ហាញ​យើង អំពី​របៀប​សំណូម​ពរ​អធិស្ឋាន និងអធិស្ឋាន​ឲ្យ​អ្នក​ដទៃ។ ពេល​ណា​ការ​អធិស្ឋាន​ទូល​អង្វរ​នៃ​រាស្រ្ត​របស់​ព្រះ បាន​ហ៊ុម​ព័ទ្ធ​យើង នោះ​យើង​អាច​ពិសោធន៍​នឹងកម្លាំង និង​ការ​កម្សាន្ត​ចិត្ត​មក​ពី​ព្រះ ទោះ​ជីវិត​យើង​ស្ថិត​ក្នុង​សភាព​បែប​ណា​ក៏​ដោយ។—Xochitl Dixon

មានសុវត្ថិភាព ហើយស្ងាត់ស្ងៀម

កូន​ប្រុស​ខ្ញុំ ឈ្មោះ ហ្សាវីយ័រ(Xavier) គឺ​ជា​សិស្ស​សាលាម​តេយ្យដ៏​រពឹស​ណាស់ បាន​ជា​គាត់​មិន​ចូល​ចិត្ត​ពេល​ស្ងាត់​ស្ងៀម នៅ​ពេល​រសៀល។ ភាព​ស្ងាត់​ស្ងៀម​នោះ ច្រើន​តែ​នាំ​ឲ្យ​គាត់​គេង​ថ្ងៃ ជា​អ្វី​ដែល​គាត់​ត្រូវ​ការ តែ​គាត់​មិន​ចូល​ចិត្ត។ ដូច​នេះ គាត់ក៏​បាន​អង្គុយ​នៅ​មិន​ស្ងៀម នៅលើ​កៅ​អី​របស់​គាត់ សម្រូត​ខ្លួន​នៅ​លើ​សាឡុង រំអិល​ជើង​នៅ​លើ​រនាប​ឈើ ហើយ​ថែម​ទាំងរមៀល​ខ្លួ​នពេញ​បន្ទប់ ដើម្បី​ជៀស​វាង​ភាព​ស្ងាត់​ស្ងៀម។ ពេល​ខ្លះ​គាត់​ប្រាប់​ខ្ញុំ​ថា គាត់​ឃ្លាន ពេល​ខ្លះ​គាត់​ថា គាត់​ស្រេក​ទឹក ម្តង​ថា​ចង់​ទៅ​បន្ទប់​ទឹក ហើយ​ម្តង​ចង់​ឲ្យ​ខ្ញុំ​ឱប​គាត់។

ខ្ញុំ​យល់​អំ​ពី​អត្ថ​ប្រយោជន៍​នៃ​ភាព​ស្ងៀម​ស្ងាត់ ដូច​នេះ ខ្ញុំ​ក៏​បាន​ជួយ​ហ្សាវីយ័រ ឲ្យ​សម្រួល​ឥរិយាបថ ដោយ​ឱប​គាត់ នៅ​ចំហៀង​ខ្លួន​ខ្ញុំ ហើយ​គាត់​ក៏​គេង​លក់។

ក្នុង​ដើម​ដំបូង​នៃ​ជីវិត​ខាង​វិញ្ញាណ​របស់​ខ្ញុំ ខ្ញុំ​មាន​លក្ខណៈ​មិន​ខុស​ពី​កូន​ប្រុស​របស់​ខ្ញុំ ដែល​តែង​តែ​ចង់​ធ្វើ​នេះ​ធ្វើ​នោះ​ជា​និច្ច។ ភាព​មមា​ញឹក​បាន​ធ្វើ​ឲ្យ​ខ្ញុំ​មាន​អារម្មណ៍​ថា គេ​ទទួល​ស្គាល់​ខ្ញុំ និង​មាន​អារម្មណ៍​ថា ខ្លួន​ឯង​មាន​សារៈ​សំខាន់ និង​មាន​ម្ចាស់​ការ ហើយ​ធ្វើ​ឲ្យ​ខ្ញុំ​ភ្លេច​ព្រួយ​បារម្ភ អំពី​ចំណុច​ខ្វះ​ខាត និង​ទុក្ខ​លំបាក​របស់​ខ្ញុំ។ ពេល​ណា​ខ្ញុំ​សម្រាក ខ្ញុំ​ក៏​បាន​គិត​អំពី​ភាព​ជា​មនុស្ស​របស់​ខ្ញុំ ដែល​មិន​គ្រប់​លក្ខណ៍។ ដូច​នេះ ​ខ្ញុំ​ក៏​បាន​ជៀស​វាង​ភាព​ស្ងាត់​ស្ងៀម ដោយ​មាន​ការ​សង្ស័យ​ថា ព្រះ​ប្រហែល​មិន​អាចដោះ​ស្រាយ​បញ្ហា​របស់​ខ្ញុំ​បាន​ឡើយ បើ​សិន​ជា​ខ្ញុំ​មិន​មាន​ការ​ប្រឹង​ប្រែង​ទេ​នោះ។

ប៉ុន្តែ ព្រះ​អង្គ​ជា​ទី​ជ្រក​កោន​របស់​យើង ទោះ​យើង​មាន​បញ្ហា ឬ​ភាព​មិន​ច្បាស់​លាស់​ច្រើន​យ៉ាង​ណា​ក៏​ដោយ។ ផ្លូវ​នៅ​ខាង​មុខ ហាក់​ដូច​ជា​វែង​ឆ្ងាយ គួរ​ឲ្យ​ខ្លាច ឬ​ពិបាក​លើស​សមត្ថ​ភាព ប៉ុន្តែ ក្តី​ស្រឡាញ់​របស់​ព្រះ​អង្គ​បាន​ហ៊ុម​ព័ទ្ធ​យើង។ ព្រះ​អង្គ​ស្តាប់​ឮពាក្យ​ដែល​យើង​អធិស្ឋាន…

បើកភ្លើងឲ្យភ្លឺឡើង

ពេល​ដែល​ខ្ញុំ និង​ស្វាមី​ខ្ញុំ បាន​រៀប​ចំ​ខ្លួន ដើម្បី​ធ្វើ​ការ​ផ្លាស់​ប្តូរ​ទី​លំនៅ ទៅ​រដ្ឋ​ផ្សេង​ ខ្ញុំ​ចង់​ឲ្យ​មាន​ភាព​ងាយ​ស្រួល ​នៅ​ក្នុង​ការទំនាក់​ទំនង​ជា​មួយ​កូន​ប្រុស​របស់​យើង​ដែល​បាន​ធំ​ពេញ​វ័យ​ហើយ។ ខ្ញុំ​ក៏​រក​បាន​អំណោយ​ពិសេស​មួយ ដែល​ជា​ចង្កៀង​មិត្ត​ភាព ដែល​តភ្ជាប់​គ្នា ដោយ​បណ្តាញ​អ៊ីនធើណិត ដែល​យើង​អាច​បើក​ពី​ចម្ងាយ។ ពេល​ដែល​ខ្ញុំ​ឲ្យ​ចង្កៀង​នោះ ទៅ​កូន​ប្រុសរបស់​ខ្ញុំ ខ្ញុំ​ក៏​បាន​ពន្យល់​ថា ចង្កៀង​ពួកគេ​នឹង​ភ្លឺ​ឡើង ពេល​ណា​ខ្ញុំ​ប៉ះ​ចង្កៀង​របស់​ខ្ញុំ ដើម្បី​រំឭក​ពួក​គេ​ថា ខ្ញុំ​នៅ​តែ​ស្រឡាញ់ និង​អធិស្ឋាន​ឲ្យ​ពួក​គេ​ជា​និច្ច។ ទោះ​យើង​នៅ​ឆ្ងាយ​ពី​គ្នា​យ៉ាង​ណា​ក្តី ពេល​ដែល​ពួក​គេ​ប៉ះ​ចង្កៀង​របស់​ពួក​គេ ចង្កៀង​នៅ​ផ្ទះ​ខ្ញុំ​ក៏បាន​ភ្លឺ​ឡើង​ផង​ដែរ។ គ្មាន​ការ​ទំនាក់​ទំនង​អ្វី ដែល​ល្អ​ជាង​ការ​ទំនាក់​ទំនង​ដោយ​ផ្ទាល់​នោះ​ឡើយ ប៉ុន្តែ យើង​អាច​ទទួល​ការ​កម្សាន្ត​ចិត្ត ដោយ​ដឹង​ថា យើង​កំពុង​តែ​ទទួល​សេចក្តី​ស្រឡាញ់ និង​អធិស្ឋាន​ឲ្យ​គ្នា​ទៅ​វិញ​ទៅ​មក ពេល​ណា​ភ្លើង​ចង្កៀង​នោះ​ភ្លឺ​ឡើង។

កូន​ទាំង​អស់​របស់​ព្រះ សុទ្ធ​តែ​មាន​ឯក​សិទ្ធិ នៅ​ក្នុង​ការ​ធ្វើ​ជា​អ្នក​បញ្ចេញ​ពន្លឺ ដោយ​អំណាច​នៃ​ព្រះ​វិញ្ញាណ​បរិសុទ្ធ។ ព្រះ​ទ្រង់​បាន​រចនា​យើង​មក ដើម្បី​ឲ្យ​រស់​នៅ​ជា​ពន្លឺ នៃ​ក្តី​សង្ឃឹម​ដ៏​ស្ថិត​ស្ថេរ និង​ក្តី​ស្រឡាញ់​គ្មាន​លក្ខ​ខណ្ឌ​របស់​ព្រះ។​ ពេល​ណា​យើងផ្សាយ​ដំណឹង​ល្អ និង​បម្រើ​អ្នក​ដទៃ ក្នុង​ព្រះ​នាម​ព្រះ​យេស៊ូវ យើង​ក្លាយ​ជា​ពន្លឺ​ដ៏​ភ្លឺ​ចិញ្ចាច និង​ជា​ទី​បន្ទាល់​ដ៏​រស់។ ការ​ល្អ​គ្រប់យ៉ាង ស្នាម​ញញឹម​ដ៏​សប្បុរស ពាក្យ​លើក​ទឹក​ចិត្ត​ដ៏​ស្រទន់ និង​ការ​អធិស្ឋាន​អស់​ពី​ចិត្ត បង្កើត​ឲ្យ​មាន​ការ​រំឭក​ដ៏​ភ្លឺ​ចិញ្ចាច អំពី​ភាព​ស្មោះ​ត្រង់ និង​សេចក្តី​ស្រឡាញ់​ឥត​លក្ខ​ខណ្ឌ​របស់​ព្រះ ដែល​ធ្វើ​ឲ្យ​ជីវិត​ផ្លាស់​ប្រែ​(ម៉ាថាយ ៥:១៤-១៦)។

ទោះ​ជា​យ៉ាង​ណា​ក៏​ដោយ ពេល​ណា​ព្រះ​ទ្រង់​ដឹក​នាំ​យើង ហើយ​យើង​បម្រើ​ព្រះ​អង្គ នោះ​ព្រះ​អង្គ​នឹង​ប្រើ​យើង ដើម្បី​ជួយ​អ្នកដទៃ ឲ្យ​អាច​បញ្ចេញ​ពន្លឺ​របស់​ព្រះ​អង្គ។ ព្រះ​ទ្រង់​បាន​ប្រទាន​នូវ​ពន្លឺ​ពិត​ប្រាកដ…

មុខកាត់ដូចឪពុក

ក្នុង​អំឡុង​ពេល​នៃ​ដំណើរ​កំសាន្ត ក្រុម​គ្រួសារ​ខ្ញុំ​បាន​ជួប​ស្ត្រី​ម្នាក់ ដែល​បាន​ស្គាល់​គ្រួសារ​របស់​ស្វាមី​ខ្ញុំ តាំង​ពី​ពេល​គាត់​នៅ​ក្មេង​។ នាង​ក៏​បាន​មើល​ទៅ​ស្វាមី​ខ្ញុំ​ឈ្មោះ អាលែន(Alan) រួច​មើល​ទៅ​កូន​ប្រុស​យើង​ឈ្មោះ​ហ្សាវីយ័រ(Xavier)។ នាង​ថា “កូន​មុខ​ដូច​ប៉ា​ណាស់។ ភ្នែក និង​ស្នាម​ញញឹម ពិត​ជា​ដូច​គាត់​ណាស់”។ ខណៈ​ពេល​ដែល​គាត់​មាន​ចិត្ត​រីក​រាយ ក្នុង​ការ​ទទួល​ស្គាល់​ភាព​កាត់​រក​គ្នា រវាង​ឪពុក និង​កូន គាត់​ថែម​ទាំង​បាន​កត់​សំគាល់​ភាព​ស្រដៀង​គ្នា នៅ​ក្នុង​បុគ្គលិក​លក្ខណៈ​របស់​ពួក​គេ​ផង​ដែរ។ ទោះ​ជា​យ៉ាង​ណា​ក៏​ដោយ ពួក​គេ​មាន​ភាព​ដូច​គ្នា​ច្រើន តែ​កូន​ប្រុស​ខ្ញុំ មិន​បាន​កាត់​រក​ស្វាមី​ខ្ញុំ​ទាំង​ស្រុង​ឡើយ។

មាន​តែ​ព្រះ​រាជ​បុត្រា​នៃ​ព្រះ ព្រះ​នាម​យេស៊ូវ​ទេ ដែល​ដូច​ព្រះ​វរបិតា​ទាំង​ស្រុង។ គឺ​ដូច​មាន​សេចក្តី​ចែង​ថា ព្រះគ្រីស្ទ “​ជា​រូប​អង្គនៃ​ព្រះ​ដ៏​មើល​មិន​ឃើញ ជា​បង​ច្បង​នៃ​គ្រប់​ទាំង​អស់ ដែល​ព្រះ​បាន​បង្កើត​មក”(កូល៉ុស ១:១៥)។ ដ្បិត​គឺ​ទ្រង់​ហើយ ដែល​បង្កើត​គ្រប់​ទាំង​អស់ ទាំង​របស់​នៅ​ស្ថានសួគ៌ និង​នៅ​ផែនដី ទាំង​របស់​ដែល​មើល​ឃើញ ហើយ​ដែល​មើល​មិន​ឃើញ​ផង(ខ.១៦)។ “ទ្រង់​គង់​នៅ​មុន​ទាំង​អស់ ហើយ​របស់​ទាំង​អស់​ក៏​ស្ថិតស្ថេរ ដោយសារ​ទ្រង់”(ខ.១៧)។

យើង​អាច​ចំណាយ​ពេល​អធិស្ឋាន និង​សិក្សា​ព្រះ​គម្ពីរ​ប៊ីប ដោយ​ស្វែង​យល់​អំពី​ចរិត​លក្ខណៈ​របស់​ព្រះ​វរបិតា ដោយ​មើល​ទៅព្រះយេស៊ូវ ជា​ព្រះ ដែល​បាន​យក​កំណើត​ជា​មនុស្ស។ ព្រះ​អង្គ​អញ្ជើញ​យើង ឲ្យ​មើល​ទៅ​សេចក្តី​ស្រឡាញ់​របស់​ទ្រង់ ដែល​បាន​បង្ហាញ​ចេញ​មក​តាម​រយៈ​ការ​អ្វី​ដែល​ព្រះ​អង្គ​បាន​ធ្វើ​ជា​មួយ​មនុស្ស ដែល​មាន​ចែង​ក្នុង​ព្រះ​គម្ពីរ និង​ក្នុង​ការ​រស់​នៅប្រចាំថ្ងៃ​របស់​យើង។ កាល​ណា​យើង​ថ្វាយ​ជីវិត​យើង​ដាច់​ដល់​ព្រះ​គ្រីស្ទ ហើយ​ទទួល​អំណោយ​នៃ​ព្រះ​វិញ្ញាណ​បរិសុទ្ធ នោះយើង​អាច​ចម្រើន​វ័យ​ធំ​ឡើង ក្នុង​ការ​ស្គាល់ និង​ទុក​ចិត្ត​ព្រះ​វរបិតា​នៃ​ក្តី​ស្រឡាញ់​របស់​យើង។ ព្រះ​អង្គ​កែ​ប្រែ​ជីវិត​យើង ឲ្យ​មានចរិក​លក្ខណៈ​ដូច​ព្រះ​អង្គ ដើម្បី​ឲ្យ​យើង​អាច​រស់​នៅ​ថ្វាយ​ព្រះ​អង្គ។​

តើ​យើង​នឹង​មាន​អំណរ​យ៉ាង​ណា…

ជំនឿដ៏រឹងមាំ

ពេល​ដែល​វេជ្ជបណ្ឌិត​បាន​ពិនិត្យ​សុខ​ភាព​កូន​ប្រុស​ដំបូង​របស់​អ្នក​ស្រី​ឌីអាននេ បូកូ ឃីម(Diane Dokko Kim) ​រកឃើញ​ថា កូន​នោះមាន​ជម្ងឺ​អូទីហ្សិម គាត់ និងស្វាមី​របស់​គាត់​ក៏បាន​សោក​សង្រេង ដោយត្រូវ​ប្រឈម​មុខ​នឹង​ការ​ថែរក្សា​កូនដែល​ពិការ​ផ្លូវ​បញ្ញា​អស់​មួយ​ជីវិត។  ក្នុង​សៀវភៅ​ដែល​គាត់​និពន្ធ​មាន​ចំណង​ជើង​ថា ជំនឿ​ដ៏​រឹង​មាំ  គាត់​បាន​ទទួល​ស្គាល់​ថា គាត់​មាន​ការពិបាក នៅ​ក្នុង​ការ​ផ្លាស់​ប្តូរ​ក្តី​ស្រមៃ និង​ការ​រំពឹង​ចង់​បាន សម្រាប់​អនាគត​របស់​កូន​ប្រុស​ជា​ទីស្រឡាញ់​របស់​ពួក​គេ។ ប៉ុន្តែ តាមរយៈ​ដំណើរ​ការ​ដ៏​ឈឺ​ចាប់​នេះ ពួក​គេ​ក៏​បាន​ដឹង​ថា ព្រះ​ទ្រង់​អាច​គ្រប់​គ្រង​កំហឹង ការ​សង្ស័យ និង​ការ​ភ័យ​ខ្លាច​របស់​ពួក​គេ។ សព្វ​ថ្ងៃ​នេះ ខណៈ​ពេល​ដែល​កូន​ប្រុស​របស់​ពួក​គេ​កំពុង​តែ​ឈាន​ទៅ​រក​ភាព​ពេញ​វ័យ អ្នក​ស្រី​ឌីអាននេ ក៏​បាន​ប្រើ​បទពិសោធន៍​របស់​គាត់ ដើម្បី​លើក​ទឹក​ចិត្ត​ឪពុក​ម្តាយ​ដទៃ​ទៀត ដែល​មាន​កូន​ពិការ។ គាត់​ក៏​បាន​ប្រាប់​គេ អំពី​ព្រះ​បន្ទូល​សន្យា​ដ៏​ស្ថិត​ស្ថេរ អំណាច​ដែល​គ្មាន​ដែន​កំណត់ និង​ភាព​ស្មោះ​ត្រង់​ដែល​ពេញ​ដោយ​ក្តី​ស្រឡាញ់​របស់​ព្រះ​អង្គ។ គាត់​បាន​លើក​ទឹកចិត្ត​គេ​ថា ព្រះ​អង្គ​បាន​អនុញ្ញាត​ឲ្យ​យើង​សោក​សង្រេង ពេល​ណា​ក្តី​ស្រមៃ ការ​រំពឹង​ចង់​បាន ឬ​ផ្លូវ​នៃ​ជីវិត​យើង​រលាយ​បាត់​បង់។

ក្នុង​បទ​គម្ពីរ​អេសាយ ជំពូក​២៦ ហោរា​អេសាយ​បាន​ប្រកាសថា រាស្រ្ត​របស់​ព្រះ​អាច​ទុក​ចិត្ត​ព្រះ​អម្ចាស់​ជា​រៀង​រហូត ព្រោះ “ព្រះ​ទ្រង់​ជា​ថ្មដា​ដ៏​នៅ​អស់​កល្ប​ជានិច្ច”(ខ.៤)។ ព្រះ​អង្គ​អាច​ទ្រទ្រង់​យើង ដោយ​សន្តិ​ភាព​ដ៏​អស្ចារ្យ ក្នុង​ស្ថាន​ភាព​នីមួយ​ៗ(ខ.១២)។ ពេលណា​យើង​ផ្តោត​ទៅ​លើ​ចរិយា​សម្បត្តិ​ដ៏​ស្ថិត​ស្ថេរ​របស់​ព្រះ​អង្គ ហើយ​ស្រែក​រក​ព្រះ​អង្គ ក្នុង​អំឡុង​ពេល​ដែលមាន​បញ្ហា យើង​នឹង​មាន​ក្តី​សង្ឃឹម​ឡើង​វិញ​(ខ.១៥)។

ពេល​ណា​យើង​ជួប​ការ​បាត់​បង់ ការ​ខក​ចិត្ត ឬ​ស្ថាន​ភាព​ដ៏​ពិបាក ព្រះ​ទ្រង់​អញ្ជើញ​យើង ឲ្យ​​ទូល​ថ្វាយ​ព្រះ​អង្គ​ ដោយ​ចិត្ត​ស្មោះត្រង់។ ​ព្រះ​អង្គ​អាច​គ្រប់​គ្រង​អារម្មណ៍​របស់​យើង​ដែល​តែង​តែ​ប្រែ​ប្រួល និង​ឆ្លើយ​តប​សំណួរ​របស់​យើង។ ព្រះ​អង្គ​នៅ​តែគង់​នៅ​ជា​មួយ​យើង…